Pasta, basta

Tek því nú rólega í að skrifa, en læt hér fljóta eina fljótlega pastauppskrift:

Setjið vel af vatni í pott, 1 tenging af klar bullion og slettu af ólífuolíu í pott og látið suðuna koma upp. 

Pasta (eða spaghetti) eftir smekk sett í pottin og soðið skv. leiðbeiningum.  Passið að ofsjóða ekki.

Á meðan vatnið er að sjóða og pastað að malla þá er eftirfarandi svissað á pönnu.  Ég set ekki inn ákveðið magn, enda er þetta svona "Hvað er til" réttur.

Sveppir, laukur, paprika skorið niður og skellt á wok-pönnu.

1 pakki skinkukurl eða niðurbrytjaðar pylsur.

Látið malla smá stund og kryddað með 1 tsk af oregano og 1 tsk af ítölsku pastakryddi frá Pottagöldrum.

100-150 g af paprikusmurosti og smá Hunts-pizzusósa sett út í.  Látið malla í um 2-3 mín þannig að osturinn renni.

Þá er þetta klárt.  Fljótlegt og þægilegt þegar maður nennir ekki að hafa mikið fyrir eldamennskunni.

Athugasemdir

[Sigurjón Þórðarson, 29.2.2008 kl. 09:11]

Maður reynir þetta kannski um helgina.